TOO «HAVAL MOTOR KAZAKHSTAN» 2024 жылғы қыркүйек пен қараша аралығында шығарылған TANK 500 Black комплектациясындағы автокөліктерге кері қайтару сервис науқаны жариялайды.

Көрсетілген мерзімде шығарылған TANK 500 Black жол талғамайтын көліктерінде төмен температура жағдайында отын жүйесіндегі қысымның өзгеруі байқалуы мүмкін. Сирек жағдайларда бұл ақау отынның ағуына әкелуі ықтимал. Осы мәселенің алдын алу мақсатында ресми дилерлік желі қажетті бөлшектерді тегін алмастырады.

Кері қайтару сервис науқанына 124 сатылған автокөлік кіреді.

TANK дилерлік орталықтарының өкілдері аталған көліктердің иелеріне хабарласып, ресми дилерлік орталыққа техникалық жөндеу жұмыстарын жүргізу үшін келу қажеттілігі туралы хабарлайды.

Қажетті қосалқы бөлшектер ресми импорттаушының қоймасына келіп түсті және қазіргі уақытта ресми дилерлік орталықтарға жөнелтілуде. Оларға жөндеу жұмыстарын орындау бойынша нұсқаулықтар қоса беріледі.

TANK бренді үшін автокөліктердің сапасы, сенімділігі және пайдалану қауіпсіздігі басты басымдық болып табылады. Кері қайтару науқаны 2025 жылғы 28 қаңтарда басталады.

Толық ақпаратты 7007 нөмірі арқылы тәулік бойы жұмыс істейтін жедел байланыс желісінен алуға болады.